චීන මකරා ඉඹලා පිලිගත යුතුය…

චීන මකරා ඉඹලා පිලිගත යුතුය…

.

Priyantha Hewage Maathalan

.

වගා ළිං වලට වැටුන අලි ඔබ පුංචි තිරයෙන් හෝ දැකලා ඇතිය. වලේ වැටුන අලින්ට කිසි දින තනියෙන් ගොඩ එන්නට බැරිය. ගොඩ ගන්නේ මිනිසුන්ය. ඒ මාර කට්ටක් කාලාය. ගොඩඩ ගත්තායින් පස්සේ නම්, සද්දෙකුත් දමා නැට්ටත් උස්සාගෙන ආයෙත් පස්ස නොබලාම දුවනවාය.

ශ්‍රී ලාංකිකයා කියන්නේද එවන් අලි ඔලුවකින් හා අලි පුකෙන් ඉන්නා ජාතියක්ය. උන් හිතාගෙන ඉන්නේ මේ රටට ගහන්න රටක් ලොවෙත් නෑ කියලාය. එහෙත් එහෙම ෆැන්ටසියක, මනෝ ලෝකයක ජීවත් වන සියල්ලන්ගේම දූ දරුවෝ ඉන්නේ පිටරටවලය.

වඩාත්ම ලොල් සහගත තත්වය නම් ජාතිකවාදීන් ලෙස පෙනී සිටිමින්, මේ රටේ අවුරුදු කොච්චර ගනනකද ප්‍රෞඩ ඉතිහාසයක් තියෙනවාය, ඊටත් එහා ගොස් රාවණාගේ කාළේ ඉඳන් හෙළ ඉතිහාසයකුත් තියෙනවාය කියා පම්පෝරි ගසනා උන්ගේ දරුවෝ ඉන්නෙත් අමු බොරුකාරයන් ඉන්නා බටහිර රටවල වීමය.

එහෙම අලි පුකෙන් ඉන්න එකෙක් වෙන හර්ෂ ද සිල්වා නම් ගොන් අලියා ඊයේ මෙහේට එන චයිනීස් ඩෙලිගේට්ස්ලාට කොක්කක් ඇද තිබුනේය.

ඒ අනුව යමින් සිහිණ ටොයියෝ හා කෝකටත් විරුද්ධ ජවිපාවුන්ද මීට කොක්ක ඇද තිබුනේය.

ඒ අස්සේ ආන්ඩුව ඇතුලේම ඉන්නා අගමැති ෆැන්ටසියේ ෆනී බෝයිස්ලා ඇන්ඩ් ගර්ල්ස්ලා මෙන්ම යුතුකම සංවිධානයේ ෆනී බොයිස්ලා ඇන්ඩ් ගර්ල්ස්ලාද ඉන්නාවා දැක්කාම ඇති උනේ පුදුම සතුටක්ය.

මේ මී හරකුන් සියල්ලම සිතන්නේ විදෙස් ආයෝජන නැතිව මේ රට ගොඩගන්න පුලුවන් කියලාය.

මේවා පුදුම වෙන්න හේතු නෙමේය. හර්ෂලා එරාන්ලා කියන්නේ, රනිල් සජිත් වාගේම කටින් බතල හිටවන උන් මිසක් බතල ගොවියෝ නොවනා බව පසුගිය වසර කීපයේම අපූරුවට පෙන්නුවේය.

අනික එයාලා ඝෝඨාට ඇමරිකන් කාරයා කියා කින්ඩිය දැම්මා,ට එයාලා ජීවත් වන්නේ ඇමරිකන් ෆැන්ටසියකය.

MCC ගිවිසුම හරහා සිහිණ ලෝකය මහ පොලොව මත ගොඩනැගීමට ගියද අමු ගං කඹරයෙක් වෙන පොලොන්නරුවේ පඹයා හා ලංකා කොමියුනිස්ට් පක්ෂයේ සහෝදරයින්ගේ ගේම් හමුවේ හා පොහොට්ටුවේ ලෙඩ ඇදීම් හමුවේ වැඩේ අංජ බජල් වී ගියේය. (මාතලන් පෞද්ගලිකව MCC ගිවිසුමට කැමතිය.) ඇත්තටම ඊයේ පාර්ලිමේන්තුවේ ආ ඒ හඬ හර්ෂ ද සිල්වාගේ නොව ඇලේනා බී ටෙප්ලට්ස් ඇමරිකාණු තානාපති නෝනාගේය.

ඇමරිකාණු තානාපති නෝනා දුන් සම්මුඛ සාකච්ඡාවක් අපගේ චීන තානාපති විසින් විවේචනයට ලක් කලේ ඊයේ පෙරේදාය.

අනෙක් අතින් වත්මන් විපක්ෂය මීට එරෙහිවීම සර්ව සාධාරනය, ජවිපේ පවා කෙලින්ම සහොයෝගය දැක්වූ යහපාලන සමයේ එකඳු රාජතාන්ත්‍රිකයෙක් මේ රටට ආවේ නැතිය.

මහා පරිමානයේ ආයෝජන එකක්වත් ආවේත් නැතිය. ගේනා එකම එක ආයෝජනය මහා පරිමානයේ සුදු අලියකු වන ලයිට් ට්‍රේන් ව්‍යාපෘතියකි. රටේ ජනතාවගේ වාසනාවකට එය මේ ආන්ඩුව විසින් නවතා දමන ලදි.

චීන මකරාගේ මේ ගමන ගැන ඉන්දියාව මෙන්ම ඇමරිකාවද ඉන්නේ හොල්මන් වෙලාය.

මන්ද, මේ කොරෝනා වසංගතය ලොව පුරා ව්‍යාප්ත වීමෙන් පසු ලෝකයේ මුල්ම රාජතාන්ත්‍රික ගමන වීමය.

මෙහිදි ඔවුන් එන්නේ අපේ රටට පමණක් නොවේ, ඔවුන් මෙහිදි පවත්වන ඉහළ රාජතාන්ත්‍රික හමුවීම්වලින් පසුව එක්සත් අරාබි එමීර රාජ්ජයටත් (UAE) , අල්ජීරියාවටත්, සර්බියාවටත් යන්නේය.

මේ කිසිවක් අපේ මී හරක් දන්නේ නැතිය. උන් කරන්නේ කරන්නන් වාලේ හැම මළදානයට විරුද්ධව කෑ කෝ ගසනා එකය.

එජාපය ජවිපේ පමණක් නොව, රටේ ජනතාවද අලි පුකෙන් හා අලි ඔලුවෙන් උන්නද අපත් ඉන්නේ වගා ළිදක වැටිලාය. ඉන් ගොඩ ඒම අපිට කිසි දින තනියෙන් කළ නොහැකිය.

මේ ආන්ඩුවට උපදෙස් දෙන බක පන්ඩිතයින්ගේ උපදෙස් අනුව එසේ කල හැකියයි ආන්ඩුව මුලින් සිතුවද, කිසිදින තනියෙන් ගොඩ ඒමක් නොමැති බව දැන් හෝ අවබෝධ කර ගැනීම රටේ මෙන්ම ඔවුන්ගේ වාසනාවය.

ඇමරිකාව හා ඉන්දියාව වැටි තිබෙනා තත්වය හමුවේ ඔවුන්ට අපේ රටට උපකාර කිරීමේ කිසිඳු හැකියාවක් මේ මොහොතේ ඇත්තේ නැතිය. එකම පිහිට චීන මකරා පමණමය.

මෙහිදි කලින් ලබාගත් ණය ගැන සහනශීලී තත්වයක් ඇති කර ගැනීම අප රටේ මූලික පරමාර්ථය බව ලැබෙන තොරතුරු පවසයි. එමෙන්ම අළුත් ආයෝජනයන් ගැනද, දෙවනි කොරෝනා රැල්ල ගැනද සාකච්ඡා කිරීමට බලා පොරොත්තු වන බවත් ආරංචිය.

අප ළිඳක වැටී ඇති බව පරම සත්‍යයය

ගොඩ ආ යුත්තේද ළිං කටෙන්මය…

එකම පිහිට චීනා පමණමය…

ඒ වගත් මෙසේය…

Google+ Linkedin

Leave a Reply

Your email address will not be published. Required fields are marked *

*
*
*